Lodhja është një term që përdorim për të shpjeguar një gjendje mungese energjie, një ndjesi përgjumjeje dhe qënien inaktive e të pamotivuar. Përgjumja mund të jetë shkak i lodhjes, por nuk janë e njëjta gjë.
Kemi të bëjmë me 2 tipe lodhjeje:
Fizike:Përfshin dobësi muskulare. Individi shfaq vështirësi në kryerjen e aktiviteteve normale ditore si, p.sh.: ngjitja e shkallëve.
Mendore:Individi ka vështirësi të përqendrohet dhe të kryejë detyrat që i ngarkohen. Ai mund të ndihet i përgjumur ose mund të ketë vështirësi në qëndrimin zgjuar gjatë punës.
Cilët janë shkaktarët e vërtetë të lodhjes?, shkruan Revista Class
Shkaqet mjekësore
Sëmundje të ndryshme si: anemia, diabeti, tensioni i lartë, sëmundjet e zemrës, obeziteti, probleme me tiroidet, sëmundjet e mëlçisë, të veshkave, dhembja kronike, infeksione të shumta – mund të japin lodhje.
Shtatzënia, problemet me elektrolitet, defiçencat e vitaminave dhe mineraleve në organizëm.
Përdorimi i disa medikamenteve si antidepresantët, antihipertensivët, statinat, antihistaminikët, hipnotikët mund të japë lodhje. Vlen për t’u theksuar se ndërprerja e medikamenteve apo dhe ndryshimet e dozave mund të japë lodhje.
Stresi në vendin e punës.
Puna jashtë orarit, nën presion apo edhe papunësia.
- Shkaqe psikologjike
