Zëdhënësja politike e LDK-së, Sibel Halimi, ka përkujtuar 24 vjetorin e çlirimit të Prishtinës, ndërsa ka kërkuar nga kryeministri Kurti që të reflektojë, duke ia rikujtuar se siguria e vendit varet nga marrëdhëniet me SHBA, NATO e BE-në, përcjell InLajmi.
Halimi theksoi se të gjithë duhet të jemi mirënjohës për miqtë tanë që besuam në jetësimin e ëndrrës sonë, pavarësinë.
Sipas saj, asnjë politikani nuk duhet t’i lejohet që të instrumentalizojë qytetarët për efekte të politikave ditore, ose në shërbim të ideologjisë së majtë, duke nxitur shpërfillje ndaj Perëndimit.
Postimi i plotë i saj:
Ditët si kjo, 24 vjetori i çlirimit të Prishtinës, na sjellin në kujtesë të gjithë të rënët për liri e paqe.
Të jemi mirënjohës për miqtë tanë që besuam në jetësimin e ëndrrës sonë, pavarësinë.
Ndaj, kur vendi sot ndodhet në situatën më të brisht të lëkundjes së këtij raporti, Kryeministri Albin Kurti duhet të reflektojë sepse liria dhe siguria jonë varen nga aleancat dhe partneritet tona me ShBA dhe BE e NATO.
Asnjë politikani nuk i lejohet që të instrumentalizojë qytetarët për efekte të politikave ditore, ose në shërbim të ideologjisë së majtë, duke nxitur shpërfillje ndaj Perëndimit.
Urime Prishtinë! /InLajmi/
