Edhe për këtë vit, Shangai ka marrë titullin e qytetit më inteligjent në planet. Në vendin e 2-të është Nju Jorku, i ndjekur nga Toronto, Seuli, Shenzhen, etj.
Vlerësimi nxjerr në pah qytetet më inteligjente në botë midis 50 qyteteve, duke marrë parasysh një sërë kriteresh. 5 metropolet kampione për vitin 2023 dallohen në fusha si transporti dhe infrastruktura “inteligjente”, energjia dhe sistemet inteligjente të ndriçimit, menaxhimi i trafikut, përdorimi i teknologjisë në jetën e përditshme të qytetarëve dhe urbanistika.
Këto qytete, përtej avantazheve të dukshme që ofrojnë për banorët e tyre, kanë një kontribut të madh në ekonomitë e tyre kombëtare, por edhe një gjurmë të madhe në ekonominë globale.Sipas vlerësimeve të “Juniper Research”, kursimet nga kostot për zhvillimin e qyteteve parashikohen të arrijnë në 250 miliardë dollarë deri në vitin 2028 në mbarë botën, shkruan Living shqip.
Performanca korresponduese në vitin 2023 vlerësohet të jetë 96 miliardë, që do të thotë një rritje kumulative prej 158% midis 2023 dhe 2028. Kursimet vijnë nga përdorimi i reduktuar i energjisë dhe emetimet nga zhvillimi i rrjeteve të transportit inteligjent dhe infrastrukturës, nga trafiku, menaxhimi dhe ndriçimi i rrugëve.
