Shiu i dendur dhe erërat e forta kanë shkatërruar disa pjesë të Pakistanit veriperëndimor, transmeton InLajmi.
Autoritetet lokale thonë se të paktën 27 persona kanë vdekur dhe 146 të tjerë janë lënduar.
Moti i keq goditi disa rrethe në provincën Khyber Pakhtunkhwa të shtunën pasdite.
Autoritetet thonë se 69 shtëpi u dëmtuan dhe shumica e viktimave u goditën nga çatitë dhe muret që u shembën. Në mesin e të vdekurve janë 8 fëmijë.
Autoritetet thonë se dëmet ishin të mëdha sepse shumë ndërtesa në zonat e prekura ishin ndërtuar me materiale të dobëta, si tulla dhe baltë, shkruan NHK.
Pakistani pësoi përmbytje të mëdha që filluan në qershor të vitit të kaluar. Më shumë se 1.700 persona vdiqën në atë fatkeqësi. /InLajmi/
