Në një intervistë telefonike me mediumin amerikan, Bloomberg, Kryeministri i Kosovës, Albin Kurti, duke komentuar ngjarjet në veri, ka deklaruar se nuk do ti nënshtrohet assesi milicisë së dhunshme, e cila vepron në veri.
“Ne nuk mund t’i nënshtrohemi si një republikë demokratike kësaj milicie të dhunshme. Ne duam që gjërat të zgjidhen sa më shpejt të jetë e mundur, por ju e dini se kjo nuk varet vetëm nga ne”, ka thënë Kurti
Sa i përket kritikave të aleatëve në adresë të Kosovës, Kurti në këtë intervistë i ka cilësuar si “të padrejta”, e madje, “Bloomberg” shkruan se ai e bëri të qartë që Qeveria nuk tërhiqet pavarësisht presionit në rritje nga ShBA-ja dhe Evropa.
“Nuk është mirë të bullizohet Kosova”, citohet të ketë thënë Kurti.
Kurti është shprehur i hapur për mbajtje të zgjedhjeve të reja në komunat veriore, por, sipas tij vetëm pasi që Serbia të ndërmarrë hapat e parë.
Siç raportohet tutje, liderët evropianë kanë bërë presion ndaj kryeministrit Kurti që ta zbus qasjen e tij, derisa SHBA-ja e ka përjashtuar vendin nga ushtrimet e NATO-s, “Defender 23”, transmeton Gazeta Blic
Ai tutje ka deklaruar se përjashtimi nga ushtrimet “nuk është i drejtë”, deklaratë që e ka bërë edhe më herët.
