Të gjithë sytë të shtunën do të jenë nga Stambolli aty ku do të zhvillohet finalja e madhe e Champions League, Manchester City-Inter.
Gati 24 orë nga nisja e ndeshjes, trajneri zikaltër, Simone Inzaghi, është shprehur se skuadra që ai drejton është gati të shkruajë historinë në Stamboll. Ai deklaron se “bashkimi” i çoi deri në finale të Champions League.
Duke folur në konferencën për mediet, në prag të finales ndaj Manchester Cityt, tekniku italian theksoi se “zikaltërit” kanë mundësinë të shkruajnë historinë, shkruan A2CNN.
“Po, e dimë që kemi një mundësi të madhe të shkruajmë historinë. E dimë se do të jetë shumë e vështirë, por do të përpiqemi. “Bashkimi” na solli ne deri këtu dhe së bashku do të mundohemi të arrijmë suksesin.” deklaroi Inzaghi.
