8 persona kanë vdekur në territorin e kontrolluar nga Rusia dhe më shumë se 5800 janë evakuuar nga shtëpitë e tyre si rezultat i shembjes së digës Kakhovka në jug të Ukrainës, tha të premten një zyrtar i lartë i emëruar nga Rusia.
Vladimir Saldo, kreu i emëruar nga Rusia i provincës Kherson të Ukrainës, të cilën Rusia pretendon se e ka aneksuar në mënyrë të ligjshme, akuzoi Ukrainën për vazhdimin e granatimeve të shpëtimtarëve në bregun e majtë të lumit Dnipro, të kontrolluar nga Rusia.
Momenti kur ndodh shpërthimi afër pikës së evakuimit në Kherson, rusët nuk kursejnë askënd – fillojnë të godasin me artileri
Në një postim në Telegram, Saldo tha se niveli i ujit në afërsi të Nova Kakhovkas, qyteti ngjitur me digën në anën e poshtme të rrjedhës, kishte rënë me 2.5 metra.
Sidoqoftë, në Oleshky dhe Hola Prystan, përballë qytetit Kherson të kontrolluar nga ukrainasit në grykëderdhjen e Dnipro, niveli i ujit mbeti “në maksimum”, raporton theguardian.
Saldo tha se përmbytjet mund të mos ulen edhe për 10-të ditë të tjera dhe se gjithsej 22.273 shtëpi ishin përmbytur në 17 qytete dhe fshatra të pjesës së Khersonit të kontrolluar nga Rusia, transmeton Gazeta Express.
Ndryshe, autoritetet ukrainase kanë publikuar një audio-incizim, ku dëgjohen disa rusë duke marrë përsipër shpërthimin e digës dhe hidrocentralit.
