Kryetari i Ferizajt, Agim Aliu ka pritur në takim këshillin organizativ të aktviteteve në fushën e shëndetësisë, të prirë nga doktori Xheladin Reçica, përcjell InLajmi.
Aliu e ka falënderuar këshillin për angazhimin, idetë dhe qasjet kreative në realizimin e aktiviteteve të shumta.
Ndryshe, ky takim u realizua në kuadër të javës së shëndetësisë në Komunën e Ferizajt dhe 150-vjetorit të themelimit të qytetit.
Postimi i plotë i tij:
Në nisje të javës së shëndetësisë ferizajase, në shënim të 150 vjetorit të themelimit të Ferizajt, mirëprita sot, këshillin organizativ të aktiviteteve në fushën e shëndetësisë, prirë nga Dr. Xheladin Reçica, të cilët i falënderova për angazhimin e tyre, që me zell e kujdes të veçantë, qasje kreative, ideuan e po realizojnë aktivitetet të shumëllojshme, në nderim e respekt të kontributdhënësve për shëndetësinë ferizajase. /InLajmi/
