Shkatërrimi i digës do të ketë një efekt katastrofik në gjetjen e minave tokësore, paralajmëron Kryqi i Kuq, transmeton InLajmi.
“Ne e dinim se ku ishin rreziqet,” tha kreu i njësisë së kontaminimit të armëve nga Kryqi i Kuq.
“Tani ne nuk e dimë. Gjithçka që dimë është se ata janë diku në drejtim të rrymës,” shtoi ai.
Ndërkohë, Nataliya Humeniuk, një zëdhënëse e Komandës Jugore ushtarake të Ukrainës, tha se “minat tani paraqesin një rrezik të madh”, duke shpjeguar se ka të ngjarë të shpërthejnë nëse përplasen ose godasin mbeturinat, shkruan BBC.
Ndryshe, rreth 42 mijë persona rrezikohen nga përmbytjet në zonat e kontrolluara nga Rusia përgjatë lumit Dnipro në Ukrainë, pas shkatërrimit të një dige në Nova Kakovka. Shefi i Ndihmave në OKB, Martin Griffiths paralajmëroi gjatë fjalës së tij në Këshillin e Sigurimit për pasoja të rënda dhe me shtrirje të gjerë. /InLajmi/
