Leo Messi mori pjesë në një intervistë të përbashkët në Paris me ‘Mundo Deportivo’ dhe ‘Sport’, në të cilën ai zbuloi vendimin e tij.
Ylli argjentinas, i cili është i lirë nga një kontratë, nuk do të nënshkruajë për Barçën në fund sepse i ka munguar një propozim, por thekson se nuk ishte një ofertë formale.
Në intervistën Leo flet për mënyrën se si ka jetuar në Paris, për largimin e tij në vitin 2021, të cilin e cilëson si shumë të vështirë dhe shumë të shëmtuar dhe shpjegon arsyet e moskthimit në Barça.
Mes tyre, se ai nuk dëshiron të mbajë përgjegjësi për shitjet e lojtarëve apo ulje rrogash dhe dëshira e tij për të shijuar futbollin jashtë presionit që ekziston në Evropë. Ai gjithashtu thekson se do të dëshironte të rikthehej te Barça, nuk e di se në çfarë pozicioni.
“Doja shumë të kthehesha te Barça, e kisha atë ëndërr. Por pas asaj që ndodhi 2 vite më parë, nuk doja të isha sërish në të njëjtën situatë, duke ia lënë të ardhmen në dorën e dikujt tjetër…”.
“Doja të merrja vendimin tim, duke menduar për mua dhe familjen time”, ishin fjalët e Messit.
Pas vendimit të argjentinasi ka reaguar edhe klubi i jetës së tij, Barcelona.
Ata janë shprehur që e respektojnë vendimin e Messit në lidhje me të ardhmen e tij.
Të hënën më 5, Jorge Messi, babai dhe përfaqësuesi i futbollistit, i ka përcjellë presidentit të klubit, Joan Laporta, vendimin e lojtarit për të nënshkruar me Inter Miami, pavarësisht se kishte një propozim të paraqitur nga Barça në përgjigje të vullnetit të shprehur nga të 2 FC Barcelona si nga Lionel Messi për t’u kthyer për t’u veshur si blaugrana.
Presidenti Laporta e kuptoi dhe respektoi vendimin e marrë nga Messi për të kërkuar të konkurrojë në një kampionat me më pak kërkesa dhe më larg fokusit dhe presionit të cilit i është nënshtruar vitet e fundit, transmeton Lajmi.net.
Joan Laporta dhe Jorge Messi gjithashtu ranë dakord të punojnë së bashku për të promovuar një nderim të madh nga tifozët e Barcelonës për një futbollist që ka qenë, është dhe do të jetë gjithmonë i dashur nga Barça”, thuhej në komunikatën e katalanasve.
