Kryeministri i Kosovës, Albin Kurti ka marrë pjesë në programin “Kosova, Shtet i Xhudos” në kuadër të aktiviteteve demonstruese të kampiones olimpike, Majlinda Kelmendi, përcjell InLajmi.
Kurti vlerësoi lart sukseset e Majlinda Kelmendit në xhudo, duke thënë se ajo është simbol i suksesit në Republikën e Kosovës.
Për më tepër, kryeministri tha se “qëndrueshmëria ndaj vështirësive, përkushtimi për triumf, dhe modestia e saj ndaj suksesit janë 3 virtyte të Majlindës, të cilat e bëjnë atë: kampione në tatami, kampione në jetë dhe kampione përjetë”.
Kurti gjithashtu theksoi se përmes programit të xhudos po ofrohen mundësi të reja për të rinjtë, që të shprehin talentin e tyre, të jenë aktiv dhe të shëndetshëm si dhe të jenë të suksesshëm.
Në fund, ai uroi që shumë të tjerë të ndjekin rrugën e suksesit të Majlindës, Norës dhe Distrias.
Postimi i plotë i tij:
Në kuadër të programit “Kosova, Shtet i Xhudos”, dje ishim pjesëmarrës në aktivitetin demonstrues të kampiones tonë Olimpike, Majlinda Kelmendi.
Në palestrën e qytetit të Mitrovicës “Minatori” e cila ishte mbushur përplotë me nxënës entuziast për të takuar Majlindën, ajo së bashku me xhudistë të tjerë demonstruan teknika profesionale të sportit të xhudos.
Majlinda Kelmendi është simbol i suksesit në Republikën e Kosovës.
Qëndrueshmëria ndaj vështirësive, përkushtimi për triumf, dhe modestia e saj ndaj suksesit – janë tri virtyte të Majlindës të cilat e bëjnë atë: kampione në tatami, kampione në jetë dhe kampione përjetë.
Përmes programit të xhudos, përveç që po sigurojmë zhvillimin e sportit në vend, njëkohësisht po krijojmë mundësi për të rinjtë tanë që të shprehin talentin e tyre, të jenë aktiv dhe të shëndetshëm si dhe të jenë të suksesshëm.
Uroj që shumë të tjerë të ndjekin rrugën e suksesit të Majlindës, Norës dhe Distrias.
Kosova është shtet i xhudos! /InLajmi/
