Kryetari i Prishtinës, Përparim Rama, në shenjë mirënjohjeje, ia ka dhuruar Çelësin e Kryeqytetit shkrimtarit Ismail Kadare, përcjell InLajmi.
Rama ka takuar edhe bashkëshorten e Ismail Kadaresë, Helena Kadarenë.
Ai tha se ka vendosur që një prej bibliotekave të Kryeqytetit do ta marrë emrin e Ismail Kadaresë.
Veprat e tij e kanë ngritur letërsinë shqipe në nivel botëror dhe vazhdojnë të frymëzojnë tash e sa gjenerata, përfundoi Rama.
Postimi i plotë i tij:
Nder i jashtëzakonshëm të mirëpres shkrimtarin e madh Ismail Kadare dhe bashkëshorten e tij, znj. Helena Kadare.
Në shenjë mirënjohje dhe respekti i dhurova Çelësin e Kryeqytetit
Po ashtu, kisha kënaqësinë ta informoj se kam vendosur që një prej bibliotekave të Kryeqytetit do ta marrë emrin e tij.
Veprat e tij e kanë ngritur letërsinë shqipe në nivel botëror dhe vazhdojnë të frymëzojnë tash e sa gjenerata./InLajmi/
