Deputeti i LDK-së, Avdullah Hoti, tha se ai do të jetë në mbrojtje të interesit shtetëror në çdo situatë, edhe kur kjo sipas tij i kushton politikisht atij dhe partisë se nga ai vjen, përcjell InLajmi.
Hoti tha se nuk ka pasur asnjëherë mëdyshje se duhet rreshtuar në mbrojtje të interesit të shtetit dhe jo në mbrojtje të interesave partiake e individuale duke mashtruar qytetarët.
Ai tha se njerëzit presin nga Qeveria vendime të matura duke përfshirë rritjen e pagave, përmirësimin e arsimit dhe shëndetësisë dhe gjithashtu partneritetin me BE-në dhe SHBA-në.
Secili politikan që ka përgjegjësi institicionale duhet të ketë forcë morale të marrë përgjegjësi edhe kur dështon, siç është rasti aktualisht me binomin Kurti-Osmani, përfundoi Hoti.
Postimi i plotë i tij:
Në mbrojtje të interesit shtetëror në çdo situatë — edhe kur kjo më kushton politikisht mua dhe partisë time.
Nuk kam pasur asnjëherë mëdyshje se duhet rreshtuar në mbrojtje të interesit të shtetit të Kosovës, e jo në mbrojtje të interesave partiake e individuale duke mashtruar qytetarët.
Njerëzit presin nga Qeveria vendime të matura e politika të mira që rrisin punësimin e pagat, që përmirësojnë arsimin e shëndetësinë. Presin veprime shtetërore që forcojnë lidhjet tona me SHBA-në e BE-në që sa më parë të bëhemi anëtar të BE-së e NATO-s..
Njerëzit nuk duan konfrontim me aleatin që siguron ekzistencën e shtetit të Kosovës. Qytetari i Kosovës meriton t’i thuhet e vërteta. Secili politikan që ka përgjegjësi institicionale duhet të ketë forcë morale të marrë përgjegjësi edhe kur dështon, siç është rasti aktualisht me binomin Kurti-Osmani./InLajmi/
