Nga foltorja e Parlamentit, Sali Berisha ka akuzuar sundërshtarin e tij politik Edi Rama si një “antishqiptar që kujdeset për interesat e aleatit të tij Aleksander Vuçiç.”
Teksa komentonte tensionet në Veri, drejtuesi i PD-së së Rithemelimit dënoi ato që i cilësoi si “sulme të turpshme” të kryeministrit Rama ndaj homologut të tij të Kosovës, Albin Kurti.
Megjithatë, Berisha theksoi se Rama nuk e ka personale me Kurtin, por se është “skllav i padronit të tij në Beograd.”
“Edi Rama nuk kurseu për sulme, qoftë edhe për fatkeqësinë shtetërore të ish-kryetarit të LDK, Isa Mustafa, padinë në gjykatë ndaj ish-kryeministrit Ramush Haradinaj, vetëm pse ata nuk pranonin diktatin e padronit të tij, Vuçiç. Këto sulme të Edi Ramës ndaj Albin Kurtit dhe qeverisë së Kosovës, tregojnë se ky është një kryeministër fund e krye antishqiptar, skllav i padronit të tij në Beograd”, deklaroi Berisha, shkruan Top Channel
Sipas Berishës, qëndrimet e mbajtura nga Rama për situatën në Veri kanë si synim që ta shpëtojnë nga e ashtuquajtura “afera McGonigal”.
