Kryeministri i vendit, Albin Kurti ka bërë të ditur se kryetarit të Leposaviqit, Lulzim Hetemit, po i kërkohet vazhdimisht që të dalë nga zyra e tij, duke thënë se çdo ditë ai merr nga 10 kërkesa të tilla, përcjell InLajmi.
Kurti e falënderoi kryetarin Hetemi për qëndresën e tij shembullore për Republikën e Kosovës për rend dhe ligj.
Për më tepër, ai theksoi se Hetemi është vëllau i dëshmores Fatime Hetemi, e cila kishte rënë heroikisht si ushtare e UÇK-së bashkë me Fehmi e Xhevë Lladrovcin më 22 shtator 1998.
Postimi i plotë i tij:
Kryetari i komunës së Leposaviqit, Lulzim Hetemi, për çdo ditë i merr mesatarisht nga dhjetë 10 kërkesa të ndryshme prej shumë anëve që ky të dalë prej zyres së tij. Çka s’i thonë: disa e marrin me të mirë, disa jo më të mirë, e disa të dyja këto njërën pas tjetrës. Lulzim Hetemi është vëllau i dëshmores Fatime Hetemi (që ra heroikisht si ushtare e UÇK-së bashkë me Fehmi e Xhevë Lladrovcin më 22 shtator 1998). E falënderoj Kryetarin Lulzim nga zemra për qëndresën e tij shembullore për Republikën e Kosovës dhe rend e ligj. /InLajmi/
