Situata e tensionuar në veri të Kosovës është bërë temë bisede në Bratislavë të Sllovakisë ku po mbahet aktualisht forumi me temë “Rrugët e Hapura: Ballkanasit sërish në biznes”.
Teksa u përgjigjej pyetjeve të bëra në panelin e diskutimit, kreu i qeverisë Edi Rama deklaroi se ushtria serbe në kufi të Kosovës ka një fuqi të barabartë me zero.
Kryeministri shkoi më tej duke e krahasuar gatishmërinë ushtarake të Serbisë në kufi me Kosovën, me një skenar që mund të parashikonte ushtrinë e Meksikës në kufijtë e SHBA-së.
“Çfarë mund të bëjë? Asgjë? Ka të bëjë vetëm me politikën e brendshme”, tha ai, shkruan A2CNN.
I pranishëm në panel ishte edhe kryeministri i Maqedonisë së Veriut, Dimitar Kovačevski, i cili teksa komentonte zhvillimet në Veri tha se zbatimi i marrëveshjes mes Kosovës dhe Serbisë mund të ishte një zgjidhje për situatën.
