Kryetari i Listës Serbe, Goran Rakiq, ka njoftuar se në një takim me Zëvendës Sekretarin e Përgjithshëm të BE-së për Sigurinë dhe Mbrojtjen e Përbashkët, Charles Fries, atij i ka parashtruar 3 kërkesa lidhur me zgjidhjen e çështjes në veri të Kosovës.
Rakiq ka njoftuar se nga zyrtari BE-së ka kërkuar që të lirohen 2 serbët e burgosur për sulm ndaj pjesëtarëve të KFOR-it dhe Policisë së Kosovës. Ai gjithashtu ka kërkuar tërheqja e forcave të njësisë speciale të policisë nga ndërtesat komunale në veri.
“Kryetarët e zgjedhur në mënyrë jolegjitime nuk duhet të vijnë në ndërtesat komunale në veri”, ka thënë Rakiq.
Ai ka deklaruar se pas përmbushjes së këtyre kërkesave, kërkojnë tërheqjen e të gjitha njësive speciale të Policisë së Kosovës nga i gjithë territori i veriut dhe fillimin e formimit të Asociacionit, shkruan Telegrafi
Në takim zyrtarit të BE-së, Fries, me krerët e Listës Serbe, Goran Rakiq dhe Igor Simiq ishin të pranishëm edhe shefat e misioneve të EULEX-it dhe BE-së në Kosovë.
