Presidenti i rizgjedhur Turqisë Recep Tayip Erdogan ka hyrë mes tensioneve kosovare-serbe, për ta qetësuar situatën, përcjell InLajmi.
Erdogan ka zhivlluar bisedë telefonike me presidentin e Serbisë Aleksandër Vuçiq dhe me kryeministrin e Kosovës, Albin Kurtin.
Në bisedë është trajtuar çështja e veriut të Kosovës ku presidenti i Turqisë u shpreh se sigurimi i progresit në dialog është mënyra e vetme për vendosjen e paqes dhe stabilitetit në rajon.
Presidenti Erdogan gjithashtu vuri në dukje se Turqia është e gatshme të japë kontributin e nevojshëm në procesin e dialogut.
Njoftimi i plotë i Presidencës Turke:
Presidenti Recep Tayip Erdogan ka biseduar në telefon me presidentin e Serbisë Aleksandar Vuçiq dhe kryeministrin e Kosovës Albin Kurti.
Presidenti i Serbisë Vuçiq dhe kryeministri Kurti i Kosovës e uruan Presidentin Erdogan për rizgjedhjen.
Gjatë thirrjeve ku u trajtuan edhe marrëdhëniet 2-palëshe dhe çështjet rajonale, presidenti Erdogan për zhvillimet që po ndodhin në veri të Kosovës u shpreh se sigurimi i progresit në procesin e dialogut është mënyra e vetme për vendosjen e paqes dhe stabilitetit të qëndrueshëm në rajon.
Presidenti Erdoğan vuri në dukje se Turqia është e gatshme të japë kontributin e nevojshëm në procesin e dialogut./InLajmi/
