Të mërkurën rreth orës 16”00 janë plagosur me armë zjarri 2 persona në Fushë Kosovë, përcjell InLajmi.
Rastin për plagosje e kanë konfirmuar nga Policia e Kosovës për Gazetën InLajmi ku bëhet e ditu se është arrestuar i dyshuari.
Më tej nga policia u bë e ditur se në koordinim me prokurorinë ata po ndërmarrin veprimet hetimore për ndriçimin e plotë të rastit.
Njoftimi i plotë i Policisë së Kosovës:
Rreth orës 16:00, policia ka marrë informatën për të shtëna me armë në rrugën e Pjeës në Fushë Kosovë.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Bazuar në informacionet e para raportohet për 2 persona të lënduar, në dyshohet të ketë marrë lëndime nga arma e zjarrit.
Zyrtarët policor kanë identifikuar dhe arrestuar një person të dyshuar dhe ka sekuestruar një armë zjarri .
Aktualisht në koordinim me prokurorinë, ndërmarrin veprimet hetimore për ndriçimin e plotë të rastit. /InLjami/
