Asociacioni i Gazetarëve të Kosovës ka reaguar pas sulmeve ndaj gazetarëve në Leposaviq, nga protestuesit serbë, përcjell InLajmi
AGK ka thënë se e ka kontaktuar menjëherë Policinë e Kosovës që t’u sigurojë një perimetër të sigurt të raportimit gazetarëve.
Në fund, AGK-ja u ka bërë thirrje të gjithë gazetarëve që të respektojnë udhëzimet e dhëna nga zyrtarët e Policisë së Kosovës që janë prezent atje, dhe të kenë kujdes të shtuar gjatë raportimit.
Njoftimi i plotë nga AGK:
Sulmohen gazetarët me gjësende të forta në Leposaviq
Gazetarët e medieve të ndryshme janë sulmuar para pak çastesh nga protestuesit serbë në Komunën e Leposaviqit.
Në një transmetim direkt të medieve, shihen disa gra duke tentuar t’i pengojnë gazetaret e RTV Dukagjinit, KOHËS dhe medieve të tjera të raportonin live nga kjo komunë.
Asociacioni i Gazetarëve të Kosovës ka kontaktuar menjëherë Policinë e Kosovës, që t’u sigurojë një perimetër të sigurt të raportimit kolegëve tanë.
AGK-ja, ju bën thirrje të gjithë kolegëve që të respektojnë udhëzimet e dhëna nga zyrtarët e Policisë së Kosovës që janë prezent atje, dhe të kenë kujdes të shtuar gjatë raportimit. /InLajmi/
