Shefi i zyrës së BE-së në Kosovë, Tomas Szunyog, pas takimit me kryetarët e rinj të komunave në veri, Ilir Pecin dhe Izmir Zeqirin, tha se fokusi i diskutimit ishte situata aktuale në atë pjesë, përcjell InLajmi.
Me këtë rast kryetarëve të rinj i’u është bërë thirrje për përmbajtje duke vepruar në shtendosjen e situatës në veri të Kosovës.
“I lumtur të mirëpres ambasadorin e SHBA-ve në Kosovë dhe kryetarët e sapozgjedhur të komunës së Zveçanit, Ilir Peci dhe Zubin Potokut, Izmir Zeqiri në zyrën tonë sot, me të cilët diskutuam për zhvillimet aktuale në veri të Kosovës”, ka shkruar Szunyog.
Szunyog bashkë me Hovenierin u bënë thirrje 2 kryetarëve të rinj që të tregojnë përmbajtje dhe të mos përshkallëzojnë më tej situatën.
Ndërkaq shefi i zyrës së BE-së shprehu keqardhje që kryetari i Mitrovicës së Veriut dhe ai i Leposaviqit nuk mund t’i bashkoheshin takimit.
“Ambasadori Hovenier dhe unë u bëmë thirrje 2 kryetarëve të bashkive që të tregojnë përmbajtje dhe të mos përdorin veprime që mund të përshkallëzojnë më tej situatën. Më vjen keq që kryetarët e Leposaviqit dhe Mitrovicës së Veriut nuk mundën të na bashkohen”. /InLajmi/
https://twitter.com/EUAmbKS/status/1663152650760626177?ref_src=twsrc%5Etfw%7Ctwcamp%5Etweetembed%7Ctwterm%5E1663152650760626177%7Ctwgr%5E3ba732fd2def1333e87728d8d8a841c7ee987af7%7Ctwcon%5Es1_&ref_url=https%3A%2F%2Ftelegrafi.com%2Fshefi-zyres-se-se-flet-per-takimin-kryetarin-e-zvecanit-dhe-zubin-potokut-tregon-kerkesat-qe-kishin-per-ta%2F
