Kryetari i Listës Serbe, Goran Rakiqi, tha se kërkesat e qytetarëve të mbledhur para komunës së Zveçanit janë që kryetarët e rinj të largohen nga objektet komunale dhe nga veriu të tërhiqen forcat e Njësisë Speciale ROSU, transmeton InLajmi.
Tutje, lideri i Listës Serbe ka bërë të ditur këto kërkesa i janë përcjellë edhe zyrtarëve të KFOR-it.
Nga ana tjetër, nënkryetari i Listës Serbe, Igor Simiq thotë se do të jetë me popullin deri në plotësimin e kërkesave.
“Pranë shkollës fillore ata krijuan bazën ushtarake, ne nuk do të largohemi nga këtu derisa ata të tërhiqen. Ne presim që KFOR-i të sigurojë mbrojtje, të përmbushë mandatin e tij dhe të lejojë lëvizjen e lirë. I bëjmë thirrje KFOR-it që ti kthej në jug ata të cilët e quajn veten sherif”, tha Simiq. /InLajmi/
