Drejtoria e Përgjithshme e Arkivave kujtoi se më 29 maj të vitit 1917, ndërroi jetë një nga figurat më kryesore të klerit katolik, Dom Nikollë Kaçorri.
Kaçorri qe firmëtar i aktit të Pavarësisë dhe zëvendëskryeministri i parë i Shqipërisë në kabinetin e Ismail Qemalit. Mësimet e para i mori në Troshan dhe më pas u shkollua në Romë, ku edhe u dorëzua meshtar në Delbnisht. Ka qenë anëtar i një sërë klubesh atdhetare (Vllaznia, Bashkimi), si edhe pjesëmarrës në disa Kongrese, si: Kongresi i Manastirit dhe ai i Elbasanit, ku për frymën e tij patriotike u dënua nga regjimi i Portës së Lartë.
Viti 1912 dhe hapat për pavarësim do ta gjenin Dom Nikollë Kaçorrin një organizator të përsosur të kryengritjeve shqiptare. Ai diti të ndërlidhte forcat e malësisë, katolik dhe myslimanë.
Imzot Kaçorri ishte aty kur mërgata e ardhur nga Trieste mbërriti në Durrës për të shtegtuar drejt Vlorës, në kërkim të lirisë së vendit, shkruan ATSH.
DPA sjell një fotoportret të Kaçorrit dhe një letër e Arqipeshkvit të Durrësit drejtuar ambasadës së Austro-Hungarisë në Kostandinopojë, mbi dënimin e tij nga autoritetet osmane.
