Në emisionin “Politiko” Kushtrim Sadiku, publicisti Halil Matoshi tha se me veprimet e sotme në veri Kosova është kthyer 10 vite mbrapa.
“KFOR-i ka mandat me i zbraps të 2 palët, atje nuk po i vjen era shtet por barut dhe gaz lotsjellës”, tha Matoshi.
Ai tutje tha se serbët lokal po i humbim si Kosovë sepse me dhunë nuk kthehen por duke iu siguru të drejta të plota.
“I kemi humb edhe aleatët tona sepse Albin Kurti është përplasur me amerikanët. Mos shkuarje e dy kryetarëve që vijnë nga VV-ja në takim me ambasadorin amerikan është hera e parë që një zyrtar i lartë refuzon ambasaden amerikane”, tha Matoshi, shkruan Gazeta10.
Sipas tij amerikanët e kanë një plan sonte dhe duhet lidershipi i Kosovës me pranu sepse nëse nuk e pranojnë ne do të hyjmë në një qorrsokak pa dalje.
