Ish-ministri dhe deputeti i LDK-së, Skënder Hyseni ka thënë se me veprimet e fundit, Kurti e Osmani po e rikthejnë UNMIK-un në veri, përcjell InLajmi.
Sipas Hysenit, veprimet e Qeverisë së Kosovës në veri janë amatoreske dhe me pasoja të mëdha për vendin.
Sipas Hysenit, veprimet e pamatura politike të qeverisë Kurti u dhanë një alibi Serbisë dhe serbeve në veri për tensionimin e situatës me barrikada dhe tërheqje kolektive nga institucionet shtetërore në të gjitha nivelet.
Ish-kryediplomati nuk ka ngurruar të kritikoj edhe opozitën që sipas tij po shkruan shkarravina.
Postimi i plotë i tij:
Kurti dhe Osmani përfundimisht po e rikthejnë në fuqi Rezolutën 1244 të OKB-se dhe po e riaktivizojnë UNMIK-un në Veri të vendit, 15 vjet pas pavarësie.
Marrëveshja e Ohrit dhe gjendja në veriun e Kosovës, nuk mund te shihen si të ndara. Ato janë të ndërlidhura, si shkak dhe pasojë! Marrëveshja e Ohrit ishte marrëveshje e hartuar nga bashkësia ndërkombëtare për ta penguar degradimin e mëtejm të Kosovës dhe marrëdhënieve me Serbinë.
Po, çka bëri Kurti gjatë po këtij viti?
Qeveria dhe KM Kurti, për fat të keq edhe me përkrahjen herë eksplicite e herë implicite edhe të opozitës aktuale parlamentare, bëri veprime aventureske në veri, duke filluar me target. Këto veprime të pamatura politike, u dhanë një alibi Serbisë dhe serbeve në veri për tensionimin e situates me barrikada dhe tërheqje kolektive nga institucionet shtetërore në të gjitha nivelet, duke përfshirë policinë, prokurorët, gjyqtarët, dhe komplet shërbyesit civilë.
E gjithë kjo, te bashkësia ndërkombëtare ndezi alarmin e përshakllëzimit të mundshëm, deri në konflikt të situatës në veri. Ky ishte edhe momenti kyq kur bashkësia ndërkombëtare, duke përfshirë edhe SHBA-të për fat të keq, beri tërheqje nga ajo që ishte dialog I përqendruar në njohje të ndërsjellë, në dialog dhe marrëveshje të përkohshme, pa njohje, siç ishte Marrëveshja e Ohrit. Kjo marrëveshje, gjithnjë nëse zbatohet, është e mire si hap i ndërmjetme, por është larg një marrëveshje të përsosur siç ishte marrëveshja e përqendruar në njohje. Pra, në essence, këtë gjendje e kemi si pasojë e politikave të pamatura të Qeverisë së Kosovës! Natyrisht, Serbia do ta shfrytëzojë çdo hapësire që Kosova krijon me politika fmijnore. Serbia është në mënyrë jetike e interesuar që Kosovën ta mbajë në status-quo dhe ne tension.
Sekretari amerikan Blinken përdori, publikisht një gjuhë të cilën nuk e kishim dëgjuar kurrë më parë kundër veprimeve të Kurtit dhe Osmanit. Ndërkohë që kemi një opozitë, komunikatat e të cilës nuk dallojnë shumë nga shkarravinat e Kurtit dhe Osmanit.
T’I kundërvihesh politikës amerikane në Kosovë, madje edhe me një gjuhë vullgare, don të thot të punosh kundër shtetit të Kosovës.
Skender Hyseni /InLajmi/
