Nga fillimet modeste, Rexhep Tajip Erdogan është rritur në një gjigant politik, duke udhëhequr Turqinë për 20 vjet dhe duke riformuar vendin më shumë se çdo lider që nga Mustafa Kemal Ataturku, transmeton InLajmi.
Në vitet 1970 dhe 80, Erdogan ishte aktiv në qarqet islamike, duke iu bashkuar Partisë pro-islamike të Mirëqenies.
Ndërsa partia u rrit në popullaritet në vitet 1990, Erdogan u zgjodh si kandidati i saj për kryetar bashkie të Stambollit në 1994.
Por mandati i tij mori fund kur u dënua për nxitje të urrejtjes racore për leximin publik të një poezie nacionaliste, e cila përfshinte vargun: “Xhamitë janë kazermat tona”.
Pasi kreu 4 muaj burg, ai u kthye në politikë. Por partia e tij ishte ndaluar për shkeljen e parimeve strikte laike të shtetit modern turk.
Në vitin 2001, ai themeloi një parti të re, me rrënjë islamike, Partinë për Drejtësi dhe Zhvillim, shkruan BBC.
Në vitin 2002, AKP fitoi shumicën në zgjedhjet parlamentare dhe që atëherë ka qeverisur vendin. /InLajmi/
