Analistja dhe hulumtuesja amerikane, Ivana Stradner, e ka komentuar situatën në veri të vendit.
Ajo ka thënë se presidenti serb Aleksandar Vuçiq është duke u bazuar në politikën e presidentit rus Vladimir Putin.
“Vuçiq po ndjek plotësisht hapat e Putinit në karrierën e tij të hershme politike, kur Perëndimi besonte me naivitet se Putini mund të ishte properëndimor…”, tha ajo, transmeton Klan Kosova.
“Gjëja tjetër për Vuçiqin? Ai duhet të pastrojë reputacionin e tij në Perëndim dhe ai do të krijojë një lëvizje të re të rreme “pro-perëndimore”. Ai ka punuar për të për disa muaj, dhe disa muaj më parë pashë disa serbë të rinj mbresëlënës në rrjetet sociale të cilët mburreshin se i bashkoheshin kësaj lëvizjeje”, ka thënë Stradner.
