Agjencia e Statistikave të Kosovës ka publikuar publikimin vjetor të Indeksit të Harmonizuar të Çmimeve të Konsumit për vitin 2022.
Publikimi vjetor i Indeksit të Harmonizuar të Çmimeve të Konsumit i harmonizuar sipas konceptit ndërkombëtar është zbatuar nga muaji janar i vitit 2015, ndërkohë që përmban seritë kohore në baza vjetore për periudhën 2002 – 2022, të rillogaritur me vitin bazë 2015=100.
Norma mesatare vjetore e inflacionit në vitin 2022 ishte 11.6%.
“Indeksi i tërësishëm i harmonizuar i çmimeve të konsumit në vend në vitin 2022 ishte më i lartë në një mesatare prej 11.6%, krahasuar me vitin 2021. Ngritje e indeksit të çmimeve të konsumit gjatë vitit 2022 është vërejtur te nëngrupet e COICOP-it: vajra dhe yndyra 44.5% lëndë djegëse të ngurta, dru zjarri, palet, etj. 34.8% ; karburante dhe lubrifikantë për pajisjet e transportit personal 32.7% bukë dhe drithëra 25.2% gaz 25.0% qumësht, djathë dhe vezë 22.0% mish 17.4%
Ndërsa, rënie e indeksit të harmonizuar të çmimeve të konsumit gjatë vitit 2022 është vërejtur te nëngrupi i COICOP-it: pemë -5.4%, me një ndikim të përbashkët prej -0.1 % në IHÇK.
