Duke komentuar deklaratën e presidentit Aleksandër Vuçiq se nuk do t’ia japë Serbinë Milivojeviqit, Brkiqit, Ponoshit dhe Xhilës të cilët për daljen nga kriza aktuale poiltike e institucoionale të formohet një qeveri teknike deri në zgjedhjet e rregullta, Zdravko Ponosh, tha se Vuçiq mendon se shteti është pronë e tij, transmeton InLajmi.
“Aleksandar Vuçiq mendon se shteti është pronë e tij. Kemi institucione të rrënuara, një shoqëri të sëmurë dhe një pozitë dhe reputacion të keq ndërkombëtar. Vuçiq na vendosi në atë pozitë dhe nuk po mund të na nxjerrë nga telashet që na futi. Ai është i fokusuar vetëm në mbijetesën e tij në pushtet, e cila bazohet në parandalimin e zgjedhjeve të lira në Serbi”, tha për Danas Zdravko Ponosh, udhëheqësi i lëvizjes së Qendrës Serbe.
Vuçiq refuzon sepse, siç thotë ai, është ai që duhet t’ia japë mandatin dikujt për të formuar qeverinë.
Sipas tij, nëse kryeministri jep dorëheqjen, afati për rindërtimin e qeverisë do të zgjasë një muaj dhe nëse kjo dështon, atëherë do të mbahen zgjedhje.
I pyetur për të komentuar se Vuçiq nuk i ka dhënë Serbinë, Ponosh tha se ai mendon se vendi është pronë e tij private.
“Prandaj nuk është për t’u habitur që gjatë kësaj dekade të qeverisjes së tij, institucionet tona u shkatërruan, shoqëria u sëmur, dhe reputacioni ndërkombëtar i Serbisë është më i keqi për një kohë të gjatë”, thekson ai.
Sipas fjalëve të tij, Vuçiq me keqdashje e interpreton propozimin e tij për formimin e qeverisë kalimtare si kërkesë për të ardhur në pushtet pa zgjedhje.
“Marrja e përgjegjësisë për Serbinë në këtë shtet është një kryq shumë i rëndë për secilin. Nisem nga fakti se kemi institucione të rrënuara, një shoqëri të sëmurë dhe një pozitë dhe reputacion të keq ndërkombëtar. Vuçiq na vuri në këtë pozitë, nuk po na nxjerr dot nga halli që na futi. Ai është i fokusuar vetëm në mbijetesën e tij në pushtet, e cila bazohet në parandalimin e zgjedhjeve të lira në Serbi. Ai krijoi ndarje në shoqëri deri në konflikt”, tha Ponosh.
Siç tregon ai, propozimi i tij synon pikërisht parandalimin e këtyre konflikteve, tejkalimin e krizës dhe rindërtimin e institucioneve. /InLajmi/
