Ish-deputeti i Aleancës për Ardhmërinë e Kosovës, Daut Haradinaj, ka paraqitur një shqetësim të qytetarëve të Deçanit, përcjell InLajmi.
Haradinaj bëri të ditur se qytetarëve të Deçanit u duhet një orë e 45 minuta për të bërë rrugë për shkak të mungesës së infrastrukturës së nevojshme.
Ai kërkoi përgjigje nga Qeveria e Kosovës për mosndërmarrjen e hapave për të lehtësuar udhëtimin e qytetarëve ndërsa shtroi pyetjen “Pse po i ndëshkoni këta njerëz”.
Haradinaj thekson se shumë shpejt do të vijë dita kur populli do t’i përgjigjet me injorim Qeverisë së Kosovës, ashtu siç po i trajton kjo e fundit, duke thënë “Dukagjini nuk e duron injorimin tuaj”.
Postimi i plotë i tij:
Sot rrugës për Dukagjin, më saktësisht për në Deçan, u desht 1 orë e 45 minuta për të bërë rrugë, pasi që i mungon infrastruktura e nevojshme kësaj ane. Qeveria deklaroi se rreth 600 mijë qytetarë nuk do të kenë autostradë. A thua kjo zonë nuk është Kosovë, apo nuk janë taksapagues të Kosovës. Pse i ndëshkoni këta njerëz!?
Shumë shpejt do të vie dita të dilni para popullit dhe shpresoj që do t’iu përgjigjen ashtu siç po i trajtoni. Dukagjini nuk e duron injorimin tuaj z. ministër! /InLajmi/
