Presidenti dhe Komandanti i Përgjithshëm i Forcave të Armatosura të Serbisë, Aleksandar Vuçiq, kanë nënshkruar një urdhër për ngritjen e gatishmërisë luftarake të njësive të Forcave të Armatosura të Serbisë në nivelin më të lartë dhe i kanë urdhëruar të lëvizin në drejtim të vijës administrative me Kosovën, InLajmi.
Ministri i Mbrojtjes Millosh Vuçeviq tha se urdhri është lëshuar pak para orës 14:00 dhe se Ushtria ka filluar aktivitetet e saj nga ai moment.
“Është urdhëruar një lëvizje e menjëhershme drejt vijës administrative me Kosovën”, tha Vuçeviq për TV Pink.
Ai tha se ngjarjet në veri të Kosovës, ku qeveria e Prishtinës po merr ndërtesat e vetëqeverisjes lokale, nuk janë lojë, por se kërcënon sigurinë e të gjithëve në rajon.
Siç theksoi ai, ushtria do ta përmbushë absolutisht urdhrin e Vuçiqit dhe do ta mbrojë sovranitetin e Serbisë dhe të drejtën e jetës së të gjithë qytetarëve të saj.
“Është e qartë se po bëhet terror ndaj komunitetit serb në Kosovë”, ka përfunduar Vuçeviq. /InLajmi/
