Drejtori ekzekutiv i KDI-së, Ismet Kryeziu ka folur në lidhje me deklaratën e ambasadorit amerikan në Kosovë, Jeff Hovenier, se formimi i Asociacionit është detyrë urgjente për Kosovën.
Ai tha se marrëveshjet të cilat kanë dalë nga procesi i dialogut duhet të jenë të zbatueshme nga të 2 palët.
Kryeziu tha se qeveria Kurti ka tendencë që të krijojë një “status qou” sa i përket obligimeve për Asociacionin.Ai potencoi tutje se kjo është e dëmshme për interesat shtetërore të Kosovës.
“Marrëveshjet te cilat kanë dalë nga procesi i dialogut, janë obligative dhe duhet të jenë të zbatueshme nga të 2 palët. Deklaratat e ambasadorit amerikan janë në frymën e këtyre obligimeve që ka shteti i Kosovës. Deri sa qeveria Kurti po duket se ka tendencë pavarësisht këtyre obligimeve të cilat rrjedhin dhe nga marrëveshja e Ohrit të krijojë një statusqouu në obligimet për asosacionin, e kjo besoj përveç ndonjë benefiti populist e elektoral, është e dëmshme për agjendat dhe interesat shtetërore të Kosovës” deklaroi Kryeziu për “Gazeta Blic’.
Në vazhdimësi nga faktori ndërkombëtar po bëhet thirrje për formimin e Asociacionit të komunave me shumicë serbe. Një draft-statut i hartuar nga Ekipi Menaxhues dhe i prezantuar në Bruksel, është cilësuar si antikushtetues nga kryeminstri Kurti.
