Në raportin e ri vjetor të Freedom House “Vendet në Tranzicion”, për të katërtin vit radhazi, Serbia nuk klasifikohet si vend demokratik, por me “regjim hibride apo tranzicional” ndërsa demokracia institucionale është e brishtë, ndërkohë që sfidat më të mëdha janë në mbrojtjen politike dhe të drejtat e njeriut, transmeton InLajmi.
Niveli i demokracisë, e cila sipas raportit të Freedom House matet nga 1 deri në 7, këtë vit si vitin e kaluar është vlerësuar me 3.79, që është rënie e 2-të e regjistruar vitet e fundit. Sipas kësaj del se Serbia aktualisht ndan vendin e 2-të në Ballkanin Perëndimor me Malin e Zi dhe Shqipërinë, ndërsa Maqedonia e Veriut renditet më e mira për shkallën e demokracisë.
Raporti thekson se edhe pse në pamje të parë Serbia pati një përmirësim të pluralizmit politik gjatë vitit 2022 për shkak të pjesëmarrjes së opozitës në zgjedhje pas një bojkoti shumëvjeçar, procesi zgjedhor u përcjell me shumë parregullsi, pavarësisht dialogut ndërpartiakë që synonin përmirësimin procesit eketoral.
Aspekti më i diskutueshëm i zgjedhjeve të vitit 2022, sipas Freedom House ishte procesi i zgjatur i publikimit të rezultateve përfundimtare të zgjedhjeve parlamentare.
“Zgjedhjet në një qendër të votimit janë përsëritura 5 herë, ndërsa kanë shtyrë publikimin e rezultateve përfundimtare në një kohë rekord prej 93 ditë pas mbajtjes së zgjedhjeve”, thuhet në Raportin e Freedom House.
Sipas Raportit të Freedom House, Serbia nuk ka shënuar progres as gjatë vitit 2022 në aspektin e lirisë së mediave, shkruan Danas.
“Sulmet ndaj gazetarëve në Serbi janë ende shqetësuese. Sipas të dhënave të Shoqatës së Pavarur të Gazetarëve të Serbisë (NUNS), gjatë vitit janë regjistruar 132 raste të sulmeve ndaj gazetarëve. Edhe pse keto shifra tregojnë një rënie të lehtë të sulmeve ndaj gazetarëve krajhasuar me vitet paraprake 2020 dhe 2021, ende mbetet i lartë numri i sulmeve ndaj gazetarëve në 10 vitet e fundit”, thuhet në raport. /InLajmi/
