Asociacioni i Gazetarëve të Kosovës ka reaguar pas votimit në Kuvend të Luljeta Aliut për anëtare të Komisionit të Pavarur të Mediave, përcjell InLajmi.
Nga AGK-ja janë shprehur të shqetësuar nga ky votim ku thane se Lëvizja Vetëvendosje si parti në pushtet votimin e një avokateje publike të politikave të saj tregon qëllimin për kontrollimin e institucioneve të pavarura mediale.
Emërimi i zonjës Aliu shkon në kundërshtim me këtë përpjekje, dhe mund t’i kontribuojë klimës anti-medie që kjo qeveri ka krijuar, në shumë raste në 2 vitet e fundit, thuhet në njoftimin e AGK-së.
Njoftimi i plotë i Asociacionit të Gazetarëve të Kosovës:
Asociacioni i Gazetarëve të Kosovës e ka përcjellur me shqetësim votimin në Kuvend të zonjës Luljeta Aliu për anëtare të Komisionit të Pavarur të Medieve.
Votimi nga partia në pushtet, Lëvizja Vetëvendosje e një avokateje publike të politikave të saj në Qeveri, tregon hapur intencën kësaj partie për të vënë nën kontroll institucionet e pavarura mediale.
Komisioni i Pavarur i Medieve duhet të ruajë pavarësinë politike dhe partiake, për të kryer në mënyrë të pandikuar punën për monitorimin dhe rregullimin e skenës audio-vizuale në Kosovë.
Emërimi i zonjës Aliu shkon në kundërshtim me këtë përpjekje, dhe mund t’i kontribuojë klimës anti-medie që kjo qeveri ka krijuar, në shumë raste në 2 vitet e fundit./InLajmi/
