Deklarata e kryetarit të Kuvendit të Kosovës, Glauk Konjufca, se Bashkimi i Komunave Serbe nuk do të ekzistojë pa kthimin e serbëve në institucionet e Kosovës, sipas bashkëbiseduesve të Danasit është marketing i brendshëm politik që synon forcimin e pozitës negociuese të Prishtinës në dialogun me Beogradin, transmeton, InLajmi.
Drejtori i Institutit për Afirmimin e Marrëdhënieve Ndëretnike, Fatmir Sheholli, deklaron se bashkësia ndërkombëtare, Brukseli dhe Washingtoni, kërkojnë që Asociacioni të formohet deri në fund të këtij viti.
“Deklarata e kryetarit të Kuvendit të Kosovës, Glauk Konjufca, se nuk do të ketë Asociacion derisa serbët të kthehen në institucione, është më shumë për marketing të brendshëm politik në Kosovë, duke ditur që kryeministri Kurti tashmë në Ohër ka thënë se është gati për të nënshkruar një dokument gjithëpërfshirës që nuk thotë se serbët duhet të kthehen në institucione”, thekson Sheholli.
Tutje thotë Sheholli se duhet të bisedojmë me serbët e larguar nga institucionet dhe të gjejmë një gjuhë të përbashkët. Ai i referohet edhe deklaratave të BE-së dhe SHBA-së se duhet gjetur një zgjidhje politike.
Nga ana tjetër politologu Ognjen Gogiq pajtohet se kjo deklaratë është “politike”, por beson se qëllimi i saj është të forcojë pozicionin negociator të Prishtinës në dialogun me Beogradin.
“Ajo deklaratë është politike dhe është bërë me qëllim të forcimit të pozitës negociuese të Prishtinës në negociatat me Beogradin”. Prishtina nuk lejon Beogradin që ta shantazhojë me bojkot të institucioneve në veri nga popullata serbe. Mirëpo, pavarësisht nga motivet politike, ajo deklaratë në thelb është se është në rrugën e duhur marrëveshja për Asociacionin”, shprehet politologu Gogiq.
Shikuar në aspektin praktik, Asociacionin nuk është i munduar të formohet pa kthimin e serbëve në institucione, vëren Gogiq, duke theksuar se sipas shkresës së marrëveshjes, Asociacioni duhet të themelohet në një asamble e cila përmbëhet nga këshilltarër të 10 komunave me shumicë serbe.
“Asambleja e Kuvendit duhet ta miraton Statutin, i cili do të themelonte Asociacionin. Në këtë kuptim, puna e atij kuvendi themelues nuk do të ishte e mundur pa pjesëmarrjen e këshilltarëve të zgjedhur ligjërisht dhe legjitimisht nga komunat me shumicë serbe, duke përfshirë 4 komuna nga veriu i Kosovës. Nuk jam as i sigurt se serbët do të donin të ishte ndryshe. Përndryshe, këshilltarët shqiptarë nga 4 komunat veriore do të vendosnin për formimin e Asociacionit, e cila nuk do të ishte e pranueshme për palën serbe”, thotë Gogiq.
Ai shton se negociatat, kur bëhet fjalë për Asociacionin janë në një “rreth vicioz”. Situata është e tillë jo pse ka një keqkuptim se çfarë duhet të përfaqësojë ZSO-ja, por thotë Gogiq se synimi është të mbahet peng vazhdimi i dialogut.
“Prishtina në këtë moment nuk duhet të deklarojë fare nëse Asociacioni të formohet apo jo, por të japë komentet e saj për Draft Statutin e paraqitur nga Ekipi Menaxhues në takimin e mbajtur në Bruksel më 2 maj. Ky duhet të jetë hapi në këtë proces, ndërsa deklaratat si kjo shërbejnë për të turbulluar ujërat dhe për të politizuar e zgjatur të gji
