Me 1 maj, mbi 80.000 punonjësve të sektorit publik u janë ekzekutuar pagat.
Në këto paga nuk janë llogaritur edhe shtesat për rrezikshmërinë në punë.
Ministria e Punëve të Brendshme dhe Ministria e Financave kanë thënë se shtesat e muajit shkurt do të paguhen në mënyrë retroaktive në pagën e muajit mars.
Për këtë, sindikata e policisë u ka dhënë ultimatum Qeverisë deri në muajin qershor.
Kreu i Sindikatës, Imer Zeqiri tha se janë në pritje të një takimi me ekzekutivin.
Zeqiri tha se pas daljes së pagës të qershorit nëse nuk dalin shtesat, do të vendosin për hapa sindikal.
Tutje, ai tha se Qeveria po gjen arsyetime për mos-ekzekutimin e shtesave për rrezikshmërinë, shkruan FrontOnline
“Nuk e kemi asnjë lajm se a ekzekutohen apo jo. Ne do ta kemi edhe një takim me Qeverinë në momentin kur ekzekutohen pagat që të jemi të njoftuar se a janë dalë shtesat apo jo dhe do të vendosim për hapa sindikale varësisht prej kërkesave të policëve ashtu do të veprojmë, do presim vetëm deri në fund të muajit. Ata vetëm po arsyetohen për këto shtesa se s’ kanë pas mundësi të bëjnë llogaritjen e mjeteve për me i vendos shtesat apo kanë të tjera telashe unë nuk e di”, u shpreh Zeqiri.
