Senatori amerikan Chris Murphy pas vizitës së tij në Prishtinë është ankuar lidhur me cilësinë e ajrit në Kosovë.
Murphy ka thënë se për këtë çështje, Kongresi amerikan do të financoj një plan për të zgjeruar energjinë diellore në vendin tonë.
“Kosova, pjesën më të madhe të prodhimit të energjisë e ka nga 2 termocentralet me qymyr që janë shumë të ndotura. Imagjinoni të jeni fëmijë që jetoni në këto lagje, duke marrë frymë cdo ditë nga kjo ndotje”, ka shkruar Murphy.
Ai thekson se për ta mënjanuar këtë problematik, tashmë është biseduar edhe me kryeministrin Albin Kurti, shkruan Telegrafi.
“Për të ndihmuar në rregullimin e kësaj çështje, Kongresi amerikan po financon një plan për të zgjeruar energjinë diellore. Shefja e USAID-it, Samantha Power ishte këtu gjatë javës së kaluar për të shpallur ankandin e ri të energjisë diellore. Ne kemi biseduar me kryeministrin Kurti se si të zgjerohet kjo”, ka përfunduar ai.
