Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, ka mbajtur tryezën e diskutimi mbi caktimin e prioriteteve me të cilat shteti duhet t’i përmbushë pas përfshirjes së Konventës për të Drejtat e Personave me Aftësi tё Kufizuar, në Kushtetutën e Republikës së Kosovës.
Rektori i Universitetit të Prishtinës, Qerim Qerimi tha se Kosova ka zgjedhur një model të mirë që përfshin në Kushtetutën e këtë Konventë, që sipas tij, është baza e respektimit të të drejtave të kësaj kategorie.
Ai shtoi se hyrja në fuqi në kohë sa më të shpejtë do t’u mundësonte këtyre personave të gëzojnë të drejtat e garantuar.
“Të gjithë e dimë që Kosova ka kufizimet e saj të anëtarësisë në organizata ndërkombëtare dhe të aderimit të konventave ndërkombëtare të karakterit shumë palësh. Një prej tyre e një rëndësie parësore është edhe kjo për të cilën po flasim. Përgjithësisht e diktuar nga ky kontekst Kosova ka zgjedhur një model shumë elegant mendoj edhe inteligjent gjithashtu që përfshinë Kushtetutën e saj, instrumentet kryesore qendrore e ndërkombëtar të të drejtave të njeriut dhe që t’i bëjë ato të zbatueshëm në këtë mënyrë”.
“Megjithatë përkundër faktit që ne kemi një numër të instrumenteve të të drejtave të njeriut që zbatohen në mënyrë të drejtpërdrejt me veprimin e nenit 22 të Kushtetutës, Konventa për të Drejtat e Personave me Aftësi të Kufizuar nuk është një prej tyre”.
“Kjo konventë për të Drejtat e Personave me Aftësi të Kufizuar, është në mesin e 9 konventave ligjorë ndërkombëtar që paraqesin bërthamën e arkitekturës ligjore ndërkombëtare për sa u përket të drejtave të njeriut. Kuptimi im është që në këtë rast autoritet kanë zgjedhur që të veprojnë njësoj edhe me këtë konventë sikurse me konventat e tjera, e fundit që ka qenë Konventa e Stambollit”.
Drejtori i Zyrës për Qeverisje të Mirë në kuadër të Zyrës së Kryeministrit, Habit Hajredini kërkoi që të gjitha institucionet të përfshihen në këtë proces.
Madje tha se si Qeveri kanë qenë shumë efikas në përmbushjen e detyrave në miratimin e Konventës.
“Në 2007 kur është miratuar kjo konventë, në 2008 në atë kohë si shtet jemi mobilizuar, kemi përkthyer në gjuhët tona vendore që çdo dokument që ka plasur të jetë në përputhje me përmbajtjen”.
“Si do që ka pasur shumë diskutime dhe nisma ajo që ka rezultuar me sukses falë bashkëpunimit që kemi pasur, e sidomos me Handikosin në si Qeveri kemi qenë shumë efikas, shumë të shpejt, shumë të përgjegjshme dhe me 13 dhjetor të viti që lamë kemi miratuar do të thotë në Qeveri për të përcjell në Kuvend që të përfshihet në Kushtetutë e Republikë se Kosovës, para se me përcjell në Qeveri ka qenë një dinamik e punës qeveritare, edhe Handikosin që ka ndihmuar gjithë procesin”.
Kryetarja e Komisionit, Duda Balje tha se janë duke pritur përgjigje nga Gjykata Kushtetuese në mënyrë që Konventa të votohen në Kuvend, raporton EO.
“Kjo konventë është votuar në qeveri, Qeveria e ka përcjell tekë ne në Kuvend. Ne si Kuvend e kemi përcjell në Gjykatën Kushtetuese tash jemi duke pritur një përgjigje pozitive nga gjykata pastaj do të vije tekë ne prapë në Kuvend me 2/3 e votave duhet që të votohet, pastaj nënshkruhet nga presidentja që të jetë pjesë e Kushtetutës së Kosovës”.
