Naim Jakaj nga IKD e sheh dështimin e seancave të Kuvendit të Kosovës si një fenomen shqetësues dhe të ri.
Jakaj në një prononcim për GazetaBlic thotë se zgjidhja për këtë çështje është dashtë të bëhej kur u miratua Rregullorja e Kuvendit.
“Ka 2 javë që Kuvendi nuk është mbledhur për t’i trajtuar më shumë se 50 pika të rendit të ditës të cilët disa janë të bartura nga viti 2022 e shumica prej tyre që nga muaji janar dhe shkurt i këtij viti. Sot u kumtua që nuk ka seancë as këtë javë për shkak që Kryesia e Kuvendit nuk ka kuorum për ta caktuar rendin e ditës”, tha Jakaj.
“Ky është një fenomen i ri, për të cilin ishte dashtë që zgjidhja të behej kur u miratua vitin e kaluar Rregullorja e Kuvendit”, shtoi Jakaj.
Jakaj thotë se Kuvendi është duke dështuar që ta kryej funksionin e tij kushtetues dhe ligjor.Ai iu bën thirrje deputetëve mos t’ju ikin përgjegjësive të cilat janë të caktuara me Kushtetutë, shkruan GazetaBlic
“Ky fenomen tregon për dështimin e Kuvendit që ta kryej funksionin e tij kushtetues dhe ligjor. Deputetët e kanë marrë votën dhe janë betuar se do t’i përfaqësojnë interesat e qytetarëve, andaj duhet t’i zbatojnë në praktikë dhe jo t’i ikin përgjegjësive të caktuara me Kushtetutë dhe me ligj”, tha Jakaj për GazetaBlic.Ndryshe, shefi i grupit parlamentar të Partisë Demokratike të Kosovës, Abelard Tahiri pas mbledhjes së kryesisë e cila ka dështuar për shkak të kuorumit, ka deklaruar se pozita nuk po arrin ta ç ‘bllokojnë vendimmarrjen në Kuvendin e Kosovës, pasi nuk po arrin kurrsesi t’i kenë 61 deputetë. E në gjithë këtë, ai tha se pas këtij bllokimi do të duhej të reflektonte Qeveria e Kosovës.
