Bislim Zogaj është njëri nga të mbijetuarit e Masakrës së Dubravës, ai ka rrëfyer momentet që përjetoi 2 dekada më parë ku u vranë nga regjimi serb të paktën 99 të burgosur shqiptarë të Kosovës dhe u plagosen rreth 200 të burgosur në burgun e Dubravës më datat 22-24 maj 1999.
“Më 15 mars kanë filluar me i tubu prej të gjitha burgjeve. Më 29 dhe 30 prill nga kanë sjell nga Serbia. Kurse më 22 maj në mëngjes na kanë thirr kinse me transferu në një burg tjetër. Na kanë dërguar të fusha e sporteve, jemi grumbulluar dhe në atë momentet kanë filluar gjujtjet prej kullës së vrojtimit. Forca serbe kanë gjuajtur me gjithë arsenalin e tyre mbi neve”, u shpreh Zogaj
Ai sqaron se pasi iu kishte shpëtuar plumbave të parë, së bashku me të tjerët që patën këtë fat, ishin fshehur së pari dhe pastaj ndihmuan të plagosurit e tjerë.
“Ua kemi dhënë ndihmën e parë, siç kemi ditë e mujt”.
Ky thotë se fatkeqësisht deri tash nuk akuzohet ndonjë person për krimin e kryer.
“Thirrja jonë është që Specialja ta ketë prioritet mbi prioritete këtë masakër sepse ka qenë masakër institucionale përdallim prej masakrave tjera ne kemi qenë të mbrojtur nga shteti, kurse vetë shteti e ka organizuar krimin”, tha Zogaj për “Front Online”
Lidhur me këtë deputeti Enver Dugolli, i mbijetuar i masakrës së Dubravës, ka njoftuar se në shkresën me të cilën i është drejtuar të hënën Zyrës së Prokurorit të Specializuar në Hagë lidhur me hetimin e kësaj masakre, ka ofruar fakte të mjaftueshme për zinxhirin komandues që e ka planifikuar dhe ekzekutuar masakrën
