Dita Ndërkombëtare e Diversitetit Biologjik është një ditë ndërkombëtare e vendosur nga Kombet e Bashkuara për promovimin e çështjeve të biodiversitetit, transmeton InLajmi.
Për herë të parë kjo ditë është përkujtuar nga Komiteti i dytë i Asamblesë së Përgjithshme të Kombeve të Bashkuara më 29 Dhjetor 1993, që shënon dhe datën e hyrjes në fuqi të Konventës së Diversitetit Biologjik.
22 Maji si Dita Ndërkombëtare e Biodiversitetit, ka temë kryesore globale integrimin e biodiversitetit dhe i kushtohet mbështetjes së njerëzve dhe jetesës së komuniteteve.
Është tashmë shumë i njohur sllogani: “Kur biodiversiteti ka një problem, njerëzimi ka një problem”! Shumëllojshmëria biologjike shpesh kuptohet në termat e shumëllojshmërisë së gjerë të bimëve, kafshëve dhe mikroorganizmave, por përfshin gjithashtu dallimet gjenetike brenda çdo specie – për shembull, midis varieteteve të kulturave dhe racave të bagëtive – dhe shumëllojshmërisë së ekosistemeve (liqene, pyje, shkretëtira, peizazhe bujqësore) që presin lloje të shumta ndërveprimesh ndërmjet anëtarëve të tyre (njerëz, bimë, kafshë). /InLajmi/
