Lazanja është një pjatë e parë, e pasur dhe e shumë e shijshme. Mund ta gatuani kurdoherë dhe nuk iu merr shumë kohë.
Përbërësit
200 gr djathë të grirë parmixhan
1 pako petë për lazanja,(blihen të gatshme).
1 kokërr qepë
1 karotë
4 lugë gjelle vaj ulliri
50 gr gjalpë
kripë, piper
250 gr lëng mishi ose uji
1 gotë qumësht
100 gr mish i grirë viçi
250 ml salcë domatesh
salcë beshamel
Udhëzimet
Grijmë hollë karotat, selinonë dhe qepën dhe të gjitha i skuqim në një tigan të nxehtë me vajin e ullirit.
Më pas hedhim dhe mishin e grirë dhe e lëmë në zjarr të fortë për disa minuta. Pasi të jetë gati, shtojmë salcën e domateve, lëngun e mishit ose ujin, kripë, piper dhe i lëmë të ziejnë të gjitha në tenxhere reth 2 ore.
E përziejmë herë pas here duke shtuar lëng mishi ose uji dhe në fund ngadalë, qumështin.
Në kohën që ziejne perbersit , përgatisim beshamelin, duke pasur parasysh që për lazanjat ai duhet të jetë i hollë. Kur t’i kemi edhe perbersit , edhe beshamelin gati, nxejmë furrën në 160 gradë dhe fillojmë të shtrojmë lazanjat.
Lyejmë me gjalpë një tavë dhe shpërndajmë në të disa lugë nga gjella e pergatitur.
Mbi to shtrojmë një shtresë lazanjash, pastaj një shtresë beshamel, sërish një shtresë gjelle dhe i mbulojmë me një shtresë djathi parmixhan (kackavall të grirë).
Përsërisim të njëjtën gjë për të gjitha shtresat. Në fund përziejmë gjellen dhe beshamelin bashkë dhe i vëmë shtresën e fundit.
E pjekim për 55 minuta, derisa të formojë një shtresë të artë.
