Real Madridi është kampioni i ri i Evropës në basketboll, pasi mposhti në finale Olympiacosin me rezultat 79-78.
Klubi nga kryeqyteti spanjoll fitoi me një rikthim mahnitës ndaj ekipit grek. Ndeshja filloi mirë për Olympiacosin, pasi e fituan çerekun e parë me rezultat 24-17. Edhe çereku i 2-të ishte në favor të grekëve me shifrat 21-18.
Periudha e 3-të gjithashtu u mbyll në të mirë të Olympiacosit, me shifrat 18-14. Përmysjen e madhe Reali e bëri në çerekun e fundit duke e fituar me rezultat 20-15, për rezultatin final 79-78.
Pikët vendimtare 3 sekonda pa përfunduar takimi i realizoi Sergio Llull, me një 2-pikësh. Për LLull këto 2 pikë ishin të vetme në finale, por me vlerë të kampionit, shkruan Klan Kosova.
Real Madridi shpallet kampion për herë të 11-të në histori të klubit.
