Partia Demokratike e Kosovës ka mbajtur Konventë Zgjedhore të Degës në Itali, ku kryetar i kësaj dege është zgjedhur Patriot Krasniqi, përcjell InLajmi.
Këtë e ka bërë të ditur kreu i PDK-së Memli Krasniqi ku tha se sikur në Zvicër, Suedi, Kanada dhe shumë shtete të tjera, edhe në Itali, bashkë me mërgimtarët tanë të shumtë, rifilluam një rrugëtim të përbashkët politik e kombëtar, që në themel të tij ka kontributin për Kosovën.
Ai tha se vetëm një gjë është e sigurt se rikthimi i PDK-së në mërgatë nuk është i përkohshëm por është një rikthim reformues sepse kemi nevojë për njëri tjetrin.
Faleminderit për pritjen, besimin dhe mbështetjen e çmueshme. Patriot, të priftë e mbara ty dhe gjithë ekipit fantastik që keni krijuar në Itali, përfundoi Krasniqi.
Postimi i plotë i tij:
Patriot Krasniqi zgjedhet Kryetar i Degës së PDK-së në Itali!
Punën disa mujore për themelimin e nëndegëve të PDK-së në Itali, të udhëhequr nga Komisioni për Organizimin e Partisë Demokratike në Mërgatë, e finalizuam sot në Firencë, me mbajtjen e Kuvendit Zgjedhor të Degës sonë në këtë shtet.
Në një proces tejet demokratik, me votat unanime të delegatëve, kryetar u zgjodh Patriot Krasniqi. Patrioti është një afarist i suksesshëm në Firencë, që vjen nga një familje atdhetare nga Prizreni dhe me kontribut të madh për vendin.
Ashtu sikur në Zvicër, Suedi, Kanada dhe shumë shtete të tjera, edhe sot në Itali, bashkë me mërgimtarët tanë të shumtë, rifilluam një rrugëtim të përbashkët politik e kombëtar, që në themel të tij ka kontributin për Kosovën dhe për qytetarët tanë. Kosova asnjëherë nuk do të mundet të realizojë gjithë potencialin e vet pa pjesëmarrjen direkte të mërgimtarëve tanë në vendimmarrje dhe në jetën publike.
Një gjë është e sigurt: Rikthimi i PDK-së në mërgatë nuk është rikthim i përkohshëm e as sezonal. Është rikthim reformues, sepse ne kemi nevojë për njëri-tjetrin. Mesazhi dhe zotimi janë të qarta: vetëm bashkë do të jetësojmë vizionin tonë për transformimin e nevojshëm dhe të domosdoshëm të Kosovës.
Faleminderit për pritjen, besimin dhe mbështetjen e çmueshme. Patriot, të priftë e mbara ty dhe gjithë ekipit fantastik që keni krijuar në Itali!/InLajmi/
