Kryeministri i Kosovës, Albin Kurti, në konferencën “Diaspora Flet” këtë të premte, tha se diaspora luan rol të jashtëzakonshëm në zhvillimin e Kosovës nga sipërmarrjet deri të investimet, raporton InLajmi.
“Jam i nderuar të falas para jush. Diaspora luan rol të jashtëzakonshme në zhvillim, nga sipërmarrjet deri të investimet. Diaspora është moti pasuri e çmuar e popullit tonë. Burim kryesor për zhvillim është diaspora, prandaj edhe po punojmë që të rritet roli juaj për ndryshime që kanë filluar të marrin formë në Kosovë. Qysh në fillim kemi promovuar dialogun me mërgatën, brenda 2 vjetëve kemi arritur t’i përditësojmë mbi 20 qendra ku jeton mërgata. Gjithashtu e kemi përfshi diasporën në hartimin e politikave. Në Qeverinë tonë ka ministra, zv.ministra e ekspertë që vijën nga diaspora”, tha Kurti.
Kurti thekson se Ligji i ri për zgjedhjet do t’i japë fund padrejtësisë ndaj mërgatës ndërsa shtoi se tash e tutje mërgata do të ketë lehtësim real sa i përket votimit, pasi konsullatat do të shndërrohen në qendra të votimit.
Gjithashtu ai bëri të ditur se është dizajnuar programi për të lidhur diasporën me vendlindjen derisa shtoi se po punohet me Shqipërinë për përpilimin e librave që të ruajmë gjuhën te diaspora.
“Me Ligin e ri për zgjedhjet po i japi fund padrejtësie ndaj mërgatës, mërgata do të ketë lehtësim real, ambasadat dhe konsullata do të shndërrohen në qendra të votimit. Kemi dizajnuar edhe programi për të lidhur diasporën me vendlindjen. Më Shqipërinë po punohet për mësimin plotësues, sidomos për librat që të ruajmë gjuhën diaspora”. /InLajmi/
