Deputeti i Lëvizjes Vetëvendosje, Dimal Basha, i ka dalë në mbështetje të kryeministrit Albin Kurti, pasi ky i fundit doli në një video në rrjete sociale me premtime të mëdha për kthimin e mërgatës në Kosovë, video kjo që ngjalli shumë reagime te oponentët opozitarë, përcjell InLajmi.
Basha në njërën anë mbron deklaratën e Kurtit dhe i çmon premtimet e tij ndërsa në anën tjetër hedh kunja për analistët e opozitën, të cilët tash e sa kohë po debatojnë për Asociacionin, duke thënë “Asociacioni është temë e studiove ndërsa kryeministri ka punë më t’meçme”.
Ndryshe, Lidhja Demokratike e Kosovës ia kujtoi kryeministrit se gjatë qeverisjes së shpresës, mbi 100.000 kosovarë të zhgënjyer e kanë braktisur vendin dhe e kanë rritur mërgatën derisa akuzoi Qeverinë se e ka katandisur Kosovën si mos më keq.
Postimi i plotë i tij:
Një video e shkurt e Kryeministrit për Asociacionin!
Hajgare, Asociacioni është temë e studiove, Kryeministri ka punë ma t’meçme 🙂
