Avokati nga Beogradi, Borivoje Boroviq ka thënë se presidenti serb Aleksandër Vuçiq dhe ministri i tij, Ivica Daçiq, janë vet përzënë nga institucionet serbe në veri të Kosovës.
Boroviq në një intervistë për mediet në Serbi, shprehet se në këto institucione kanë qenë të punësuar të gjithë serbë.
“Janë pastruar të gjitha institucionet serbe në veri të Kosovës. Kemi pasur institucionet e drejtësisë, gjykatat, policinë, Gazivodën/Ujmanin, të gjitha i kem pasur. Atë nuk e bënin dot shqiptarët me forcë. Gjithçka dihet. Ato nuk mund t’i largonin shqiptarët me forcë. Ishte marrëveshja e Brukselit, pra i përzunë Aleksandar Vuçiqi dhe Ivica Daçiqi nga ato institucione serbe, pastaj të gjitha i dorëzuan te institucionet shqiptare. Në rregull dhe nëse një person që mund të kishte mirëkuptim në atë moment, do të thoshte në rregull, nuk do të ketë luftë, do të ketë paqe dhe se në këto institucione janë të gjithë serbë të punësuar”, ka shtuar ai.
Ai tregon momentin kur e kishte marrë një lëndë për ta mbrojtur një serb, i cili pretendonte se është sulmuar nga shqiptarët, porse sipas avokatit ky rast nuk ka ndodhur.
“Unë, së fundmi, kam marrë një lëndë, për ta mbrojtur një person, ku në euforinë për të treguar se si funksionon Kushtetuta edhe në Kosovë, këtu e kanë arrestuar dhe e kanë akuzuar për sulm ndaj rendit kushtetues të Serbisë për arsyeje se, kinse, ka shpërndarë fletushka dhe ka përkrahur disa shqiptarë të cilët u thoshin serbëve ‘Shporruni në Serbi nëse nuk dëshironi të hyni në institucionet e Kosovës’”, tregon avokati serb.
“Asgjë nuk është e saktë, nuk ekziston asnjë dëshmi. Ekziston vetëm një provë se njerëzit me kapela e kanë rrahur atë në një kafene në Kosovë. Me dorë dhe me këmbë të thyer nuk mund të shërohej në Leposaviq, sepse nuk ka mjekë, të gjithë janë larguar nga institucionet, nuk mund të dorëzonte kallëzimin penal, nuk janë institucionet aty në Kosovë, nuk është as policia serbe. Ai ka shkuar në Rashkë dhe ka dorëzuar një kallëzim penal për ‘rrahje të rëndë’ dhe ka shkuar në spital”, pohon Boroviq.
Po ashtu, ai vazhdon duke thënë se ky serb pasi ishte paraqitur në Spitalin e Rashkës është burgosur dhe tani gjendet pa asnjë ndihmë mjekësore
“Njerëzit tanë prej këtu, me dijeni të plotë se gjendet në spital e kanë arrestuar, e kanë sjellë këtu në burg pa ia dhënë të drejtën e shërimit, pa marrë parasysh se mjekët kanë qenë kundër që ai të deportohet nga spitali, sepse nuk ka guxuar që të largohet nga shtrati i spitalit”, thotë ai.
“Tani qëndron në dhomën e burgut, pa asnjë ndihmë mjekësore, ka filluar hetimi, nuk ka dëshmitarë, i është caktuar masa e paraburgimit deri në sigurimin e dëshmitarëve, sepse nuk mund t’i sigurojnë dëshmitarët meqë nuk kanë autorizim në Kosovë”, vazhdon Boroviq.
Avokati shton se ka ardhur vetëm një dëshmitar i cili ka thënë se “ndoshta kjo është e saktë”.
“Ka ardhur vetëm një dëshmitar i cili ka thënë, ‘ndoshta kjo është e saktë’, nuk e di, dhe se ka edhe persona tjerë që janë në arrati, e normal nuk janë të qasshëm, për ç’arsye klienti im duhet ende të presë në burg, që t’i kapin edhe tjerët që gjinden në tjetër territor, në të cilin policia jonë nuk ka kompetenca. Dhe ai ka qenë kundër çdo gjëje që ka raportuar rreth patetikës së vet”, shton avokati.
“Kur i kam thënë trego letërnjoftimin tënd ai ka nxjerrë letërnjoftimin e Kosovës. I kam thënë se ky është i njëjti parim kur përkrahet Lista Serbe që hyn në Qeverinë e Kosovës dhe betohen në Kushtetutën e Kosovës, e me këtë, pra kur betohen në atë Kushtetutë, ata mund të bëhen shënjestër e të njëjtit persekutim, sepse e paskan shkelur kushtetutën e vendit tonë”, tregon ai.
Në fund, Boroviq pyet se kush është dashur të përgjigjet pse është nënshkruar Marrëveshja e Brukselit.
“Kush është dashur të përgjigjet pse është nënshkruar Marrëveshjen e Brukselit? Sipas marrëveshjes së parë, edhe kësaj të dytës për të njëjtën vepër penale? Do të thotë krejt kjo është një farsë, i gjejnë disa të shkretë, shembull ky person të cilin e kam përmendur, e nuk e pata planifikuar por ja që doli gjatë bisedës, i ka katër fëmijë, vozitë kamion dhe patjetër ka nevojë të ketë kontakt me njerëzit në Kosovë, pra edhe me shqiptarët”, shton tutje Boroviq, transmeton Gazeta10
“Por nuk ka asnjë fletushkë, as nuk ekziston një gjë e tillë, s’ka asgjë, as nuk ka ndonjë motiv ai që të merret me politikë, e të ju thotë serbëve shkoni në Serbi nëse nuk doni të hyni në institucione”, përfundon ai.
