Në këndin e përurimeve të librave në librarinë tashmë të njohur, “Altera” në Prizren, para një numri të madh të aderuesve të librit dhe mysafirëve të tjerë, Shoqata për kulturë e art “Fidani” dhe Libraria “Altera”, bën përurimin e 2 veprave të reja të publicistit dhe poetit Haki Latifi, i cili pak muaj më parë, po në këto ambiente bëri pëurimin e librit të parë të tij me poezi, shkruan InLajmi.
Autorin Latifi, i cili rrjedh nga një familje atdhetare në fshatin Piranë afër Prizrenit, e që një kohë të gjatë jeton në Zvicërr, qytetarët prizrenas dhe më gjërë e njohin jo vetëm si krijues letrar dhe publicit, por edhe si një veprimtar i devotshëm për qështjen kombëtare. Këtë herë ky autor na solli 2 libra nga fusha e publicistikës; përmbledhjen me intervista të tij në mjetet e ndryshme të informimit në vend dhe jashtë, nga emra të shquar të gazetarisë; “Realiteti i mrekullueshëm-Republika e Kosovës” dhe “Fjala vret më arg se topi”, me opinione, komente dhe përkushtime në ndërtimin e shtetit të Kosovës.
Në këtë përurim, shkrimtari dhe publicisti Skender Zogaj, redaktor I këtyre dy librave, tërhoqi paralele ndërmjet 2 librave dhe të angazhimit të autorit Latifi, si krijues letrar dhe veprimtar për qështjen kombëtare në diasporë. – “Haki Latifi është veprimtar politik i LDK, por nga intervistat shihet se, kur është fjala për kombin dhe atdheun, është mbipartiak, një idealist i vendosur në shërbim të popullit dhe të vendit të tij. Dhe, si i këtillë ka zgjuar vëmendjen e gazetarëve të shumtë. Nuk ka dyshim se, libri “Realiteti i mrekullueshëm – Republika e Kosovës” është doracaku më i mirë, për të gjithë ata që janë të interesuar për të njohur më mirë përpjekjet dhe kontributet e mërgimtarëve kosovar në Zvicër, para gjatë dhe pas luftës çlirimtare. Ndërkaq në librin, “Fjala vret më larg se topi”, ai i ka përmbledhur shkrimet e zgjedhura të botuara më parë nëpër shtypin e përditshëm dhe në botimet periodike. Kjo është mënyra e veprimit të të gjithë krijuesve që shkruajnë dhe botojnë, dhe që, në periudha të caktuara u rikthehen shkrimeve të veta dhe me to bëjnë libra, tha në fund Skënder Zogaj.
Për librin “Realiteti i mrekullueshëm-Republika e Kosovës”, foli edhe Mr. Enver Batiu, si cili mes tjerash tha se në intervistat e autorit shihet angazhimi i tij shpirtëror për bashkim kombëtar. Kurse drejtuesi i shtëpisë botuese “Fidani”, në Prizren Berat Batiu, e falënderoi autorin për besimin e treguar, pasi në këtë shtëpi botuese vendosi t’i botojë tre librat e tij. Osman GORANCI/InLajmi
