Presidenti i Serbisë, Aleksandar Vuçiq, mori pjesë në ceremonin e hapjes së fabrikës japoneze Nidec në Novi Sad prej ku foli edhe për veriun e Kosovës, për çka tha ai se situata atje është e tensionuar, transmeton InLajmi.
Këto komenti i bëri Vuçiq duke u përgjigjur pyetjes së gazetarëve për situatën në Kosovë me theks në veri kur kemi parasysh se të premten behet inaugurimi i kryetarëve të rinj.
Për më tepër Vuçiq tha se është njohtuar se Prishtina nesër do të tentoj të inauguroj kryetarët e “rremë”.
“Situata në veri të Kosovës është e vështirë dhe e tensionuar! Unë po kërkoj nga serbët që të ruajnë paqen. Kryebashkiakët e “rremë” nuk do të pranohen kurrë. Ky veprim është vetëm krijimi i një atmosfere që serbët të largohen nga veriu”, theksoi Vuçiq.
Kujtojmë se të premten do të bëhet inaugurimi i kryetarëve që fituan në zgjedhjet e jashtëzakonshme më 23 prill për komunat e veriut të Kosovës, Mitrovica e Veriut, Lepozaviq, Zveçan e Zubin Potok.
Ndryshe në këto zgjedhje të drejtën për të votuar nuk e shfrytëzuan komuniteti serb, duke i bojkotuar kështu si reagim ndaj institucioneve të Kosovës, por mbase edhe presionit të Listës Serbe e cila nuk garoi qëllimshëm në zgjedhje. /InLajmi/
