Një listë e detajuar e akuzave kundër kompanisë së mediave sociale me bazë në Pekin po vazhdon nga autoritetet e SHBA-së, transmeton InLajmi.
Guvernatori i Montanës, Greg Gianforte, ka nënshkruar legjislacionin për ndalimin e TikTok me bazë në Kinë që të operojë në shtet për të “mbrojtur banorët e Montanas” nga mbikëqyrja e pretenduar kineze, duke e bërë atë shtetin e parë amerikan që ndalon aplikacionin popullor të TikTok.
Këtu është një listë e detajuar e akuzave të Shteteve të Bashkuara kundër kompanisë dhe aplikacionit së saj, ByteDance:
Menaxhimi i TikTok i nënshtrohet qeverisë kineze
Drejtori i FBI-së, Chris Wray, tha në nëntor se TikTok përbën një rrezik për sigurinë kombëtare, duke shtuar se kompanive kineze u kërkohet në thelb “të bëjnë çfarëdo që qeveria kineze dëshiron që ata të bëjnë në drejtim të shkëmbimit të informacionit ose të shërbimit si një mjet i qeverisë kineze”.
TikTok thuhet se është se një ent i lidhur me qeverinë kineze.
TikTok mund të përdoret për të ndikuar tek amerikanët
Wray ka thënë gjithashtu se operacionet amerikane të TikTok ngrenë shqetësime për sigurinë kombëtare sepse qeveria kineze mund të shfrytëzojë aplikacionin e ndarjes së videove për të ndikuar tek përdoruesit ose për të kontrolluar pajisjet e tyre.
Rreziqet përfshijnë “mundësinë që qeveria kineze mund të përdorë për të kontrolluar mbledhjen e të dhënave për miliona përdorues ose për të kontrolluar algoritmin e rekomandimit, i cili mund të përdoret për operacione ndikimi”, u tha Wray ligjvënësve amerikanë.
Drejtori i Agjencisë Kombëtare të Sigurisë, Paul Nakasone, tha në mars se ishte i shqetësuar për të dhënat që mbledh TikTok, algoritmin e përdorur për të shpërndarë informacionin te përdoruesit dhe “kontrollin se kush e ka algoritmin”.
Ai pohoi se platforma TikTok mund të mundësojë operacione të ndikimit gjithëpërfshirës sepse TikTok mund të ndikojë në mënyrë proaktive te përdoruesit dhe gjithashtu mund të “fikë mesazhin”.
Përdorimi i TikTok dëmton shëndetin mendor të fëmijëve
Në mars të vitit 2022, 8 shtete, përfshirë Kaliforninë dhe Massachusetts, nisën një hetim nëse TikTok shkakton dëme të shëndetit fizik ose mendor te të rinjtë dhe çfarë dinte kompania për rolin e saj në këto dëmtime, shkruan Aljazeera.
Hetimi fokusohet në mënyrën se si TikTok rrit angazhimin e përdoruesve të rinj, duke përfshirë rritjen e supozuar të kohëzgjatjes së kohës së kaluar në platformë dhe sa shpesh përdoret ajo. /InLajmi/
